Share to: 
مبسوط رئيس الجمهورية اللي ما عم يفيق حتى يعرف شو صاير بالبلد، مبسوط جبران باسيل اللي كل همو يوصل لرئاسة الجمهورية، مبسوطين انتم ايها الوزراء والنواب والمسؤولين الأمنيين لما حدث ويحدث في الوطن؟ اذا حضاراتكم تاركين هالبلد ومغادرين خبرونا لان ما في انسان وطني شريف بيعمل اللي عم تعملو بالوطن، لك انتو، حرقتوا اكتر من النيترات ما حرقت قلوب واجساد،. وأرض، مبسوط رياض سلامة، اهم شي انك تكون عم ترضى سكرتيرة من هنا مسؤولة قسم من هناك…. مبسوط حسان دياب، وسعد الحريري؟؟؟
مبسوط حزب الله حزب القوات اللبنانية ، مبسوط نجيب ميقاتي ، اساسا انت اليوم المطلوب منك تقدم اعتذارك عن تشكيل الحكومة… وانتم يا مستشاري رئيس الجمهورية!! لم تملوا من نقل حقائق كاذبة ومغلوطة للرئيس الذي هو في الأصل نائم، الرئيس الحقيقي هو الذي ينزل إلى الأرض ليعرف معاناة شعبه، لا يعتمد على قرطة مستشارين زعران، ضمائر هم بالية، ساقطة، خسيسة، دنيئة، أتعلمون ؟
شفتوا هيدا الانفجار اللي صار بمرفأ بيروت ب ٤ أب يعني من سنة واليوم بنفس الشهر كارثة التليل عكار.. عن هؤلاء الذين احترقت أجسادهم ، أنتم ستحرقون بنفس الطريقة، ولل يَطُنَنَّ أحدٌ منكم أن الله غير قادر ” فالله يمهل الظالمين ولا يُهْمل” انتم وعلى فراش الموت ستُصْلى أجسادكم من الوجوع شفتوا كل واحد مات بإنفجار النيترات وإنفجار التليل، تخيلوا الوجع اللي عاشو كل شخص، رح بتعيشوا نفس الوجع انتو وعم تطلع روحكم
