Share to: 
شنّ نواب واعضاء في “التيار الوطني الحر” هجوما عنيفا على رئيس حزب “القوات اللبنانية” سمير جعجع، ردا على ما دلى به اليوم من مواقف بشأن انتخاب رئيس جديد للجمهوريّة.
البستاني: النائبة ندى بستاني غردت عبر “تويتر”: “جعجع انزعج من زيارة الوزير باسيل لبكركي، وانفتاحو وإيجابيتو، وتسهيلو لأي مسعى بيقوم فيه البطريرك، قرر الالتفاف على أي توافق، وتطويق أي مبادرة من بكركي.
هو بيرفض حضور اجتماعات عند البطريرك وبيوم انتقال السيدة العذراء، نسف أي امكانية لتفاهم مسيحي…شو بعد فيه خيانة أكبر؟!”.
ابي خليل: من جهته، كتب النائب سيزار أبي خليل عبر “تويتر” : “مشيت بميشال عون رئيس لأنو كان واصل بلا جميلتك.
أخدت حصة أكبر من حجمك وطعنتو واليوم مش سألان عن رأي المسيحيين باختيار الرئيس. هيدا إنت، بالطائف غطيت التنازل عن الصلاحيات واليوم بدك تمحي حقوقهم. من ٣٥ سنة لليوم سمّيلي فكرة ايجابية قلتها أو عمل إيجابي عملتو. زغير وبتضل زغير”.
عطاالله: بدوره، غرد النائب جورج عطاالله عبر “تويتر”: “بتاريخ 1/9/2019 كتَبْتِلّك هيدا الرد على تفنيصاتك، واليوم بعيد رقاد السيدة عم تعترف إنك إنجبرت تنتخب الرئيس عون لأن الموضوع كان خالص يعني جربت تلحق حالك وإعترفت إنك فناص “.
خريش: وفي السياق، غردت نائبة رئيس “التيار الوطني الحر” للشؤون السياسية مي خريش عبر “تويتر”: “جعجع ولا مرة كان يهمو احترام خيارات المسيحيين برئاسة الجمهورية.
بالماضي باع الصلاحيات كرمال يخلص من العماد عون واليوم عم يبيع التمثيل كرمال يخلص من التيار. بياع حقوق الناس وكرامة الشعب مقابل المال السياسي وبعدو عم بيتاجر بذكرى الشهدا متل ما سمسر بحياتهم”.
